Bonveno a Wikipedio, l'enciklopedio libera e gratuita, redaktata da la propra lektanti per Ido, Esperanto reformita e selektita kom l'internaciona helpanta linguo ye 1907. Vu povas obtenar l'informo quan vu serchas sequante la ligili od uzante la sercho-buxo ye la supra dextra parto dil fenestro.
Anke vu povas kunlaborar editante l'artikli qui ja publikigesis por plubonigor li o kreante nova artikli pri temi quin vu bone konocas. Memorez ke la reda ligili havas nula artiklo asociata e ke se vu volas skribor pri nova temo qua ne havas ula ligilo kreata, unesme vu mustas serchar existanta artiklo relatanta por krear ligilo a vua nova skribajo ibe. Vu povas krear necesa ligilo ank en Probeyo.
Ne timez pro ne skribor vua artikli per perfekta Ido. Plu experta idisti revizos e korektigos ol pose. Simple atachez la ligilo {{Revizo}} a vua artiklo ed olu aparos en la fako Pagini revizinda por ke altra idisti revizez ol.
en historio
dum junio: 50, 100 e 400 yari ante nun …
20 di junio1975. La filmo Jaws {"Mandibuli") unesmafoye videsis. La fonto esis la romano da Peter Benchley. En la rakonto, homi qui vakancas ye plajo esas terorigata da homo-manjanta sharko; la sharko chasesas da la lokala chefo di polico, profesionala chasanto di sharki, e marala biologiisto. La direktanto di la filmo esis Steven Spielberg, e John Williams kompozis la muziko, por qua il ganis Oskar-premio. Spielberg pose opinionis ke la muziko esis importanta por la granda suceso di la filmo. Ol esis la maxim profitoza filmo de omna filmi facita, til ke Star Wars aparis pos du yari.
25 di junio1925. Expediciono duktata da la Norvegiana explorero Roald Amundsen, di qua la skopo esis flugar super la norda polo, eventuale konkluzis. La esquado komencis voyajar ye 21 di mayo de Svalbard, en du fluganta bateli vers la nordo, ed atingis latitudo 87° 44′, la maxim norda atingata da aeroplano ye ta tempo. Li tervenis sur glacio, ed un de la aeroplani esis domajita. Dum tri semani li laboris por krear, ek la glacio, suficante glata bendo per qua la restanta aeroplano povus atingar la aero. Ye 15 di junio la aeroplano, portante la tota esquado, sucesis komencar la retro-iro. En 1926, Amundsen, Umberto Nobile ed esquado sucesis flugar super la norda polo en la aeronavo Norge.
13 di junio1625. Rejulo Charles la 1ma di Anglia esis mariajata a Henriette Marie, filiino di Henri la 4ma di Francia. La mariajo di Charles e Henriette ne standis bone dum la frua yari, ma lia relato plu tarde esis bona. Lia unesma filio esis la futura rejulo Charles la 2ma di Anglia. Pos la exekuto di Charles la 1ma en 1649, sequante di la interna milito en Anglia, el ed altra membri di la rejala familio rezidis ye Saint-Germain-en-Laye en Francia. El retrovenis ad Anglia ye la restauro di la monarkio en 1660.
Un ek la maxim anciena urbi de Brazilia, fondita en 1543, nun lua portuo esas la maxim importanta di Sud-Amerika. Santos ank esas importanta turistala e komercala urbo. Lua precipua turistal atraktivo esas lua plaji longa de 7 km.
Prato
Prato esas regiono di la Tero ube la dominacanta plantaro konsistas ek herbi, nam la pluvo ordinare ne esas suficanta por sustenar plu alta plant-formi.
Esas tri speci: savano, o tropikala herblando, havas grosa herbi, e trovesas en Afrika e Sud-Amerika.
