Evje er ein tettstad i Evje og Hornnes kommune i Agder. Tettstaden er ifølgje SSBs definisjon 3,7 km², og har 2757 innbyggjarar (2023).
Evje er administrasjonssenter i Evje og Hornnes kommune, og ligg ved elva Otra, der fylkesvei 42 (Arendal–Egersund) møter riksvei 9 (Kristiansand–Haukeligrend). Tettstaden har variert industri, mellom anna treindustri og båtproduksjon, og eit industrivekstanlegg (SIVA). Dei har òg eit feltspatbrôt. Evje er eit viktig handelssenter for Setesdal. Evje kyrkje er bygd i tre og vart oppført i 1891.
Like sør for Evje lå militærleiren Evjemoen fram til 2002. I den gamle militærleiren er det i dag næringspark, kino og kommuneadministrasjonen samt øvings- og skytebane.
Det er ei rekkje sjeldne mineralar i Evje og Hornes og Iveland. I samband med dette er det oppretta ei avdeling av Setesdalsmuseet, Evje og Hornnes Geomuseum. Dette har ei stor mineralsamling, fagbibliotek og utstilling som viser den lokale gruvehistoria, i tillegg til noko av mineralsamlinga og laboratorieutstyret til Marie Curie.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må vere logga inn for å kommentere.