krypmispel

Krypmispel er ein busk som dannar matter. Skota er tettgreina med små, elliptiske blad. Planten har mange lyseraude til kvite blomar som blir pollinert av insekt og dannar mange raude bæreple som frukt. Frøa blir spreidde med fuglar som et bærepla.

Krypmispel stammar frå det vestlege Kina. I Noreg er han importert som hageplante, men har forvilla seg i norsk natur med fuglar som spreier frøa. Krypmispel finst i kyststrøk frå Oslo-området og nord til Nord-Trøndelag.

Krypmispel er på den norske framandartlista, og han er vurdert til å utgjera ein svært høg økologisk risiko i Noreg.

• mispelslekta
• rosefamilien
• framandartslista