Bank Indonésia
Mal:Infobox central bank Bank Indonésia (BI) inggih punika bank séntral Républik Indonésia. Bank niki mangentosin Bank Jawa daweg warsa 1953 (De Javasche Bank, DJB), sané kaadegang duk warsa 1828 antuk ngayahin kaperluan indik jinah ring Hindia Belanda. sané mangkin sesana ipun ngamolihang miwah nyaga stabilitas rupiah malarapan antuk pangelolaan séktor Monetér, Sistem Panauran miwah Stabilitas Sistem Keuangan.[1]
Indik lelitihan Bank Indonésia prasida kakepah dados kalih aab, kapertama aab daweg pameréntahan kolonial Hindia Belanda kaping kalih daweg aab pameréntahan Républik Indonésia.
Raja William I saking Belanda ngicenin hak ngaryanin bank swasta ring Hindia duk warsa 1826, sane mawasta De Javasche Bank. Punika kawangun duk tanggal 24 Januari 1828 miwah raris dados bank panerbitan Hindia Belanda. Bank punika ngatur miwah ngamedalang gulden Hindia Belanda.
Ring warsa 1881, kantor Bank Jawa kaadegang ring Amsterdam. Raris nyarengin pangadegan kantor ring New York. Ring warsa 1930 bank punika madué nem welas carang jawatan ring Hindia Belanda inggih punika: Bandung, Cirebon, Semarang, Yogyakarta, Surakarta, Surabaya, Malang, Kediri, Banda Aceh, Medan, Padang, Palembang, Banjarmasin, Pontianak, Makassar, miwah Manado.
Bank Jawa punika kamargiang dados bank swasta lan pajadmaan taler industri miwah sané liyanan prasida ngamolihang wantuan ring kantor bank.[2]
-
-
Keizersgracht 666-668, lad kantor Bank Jawa ring Amsterdam -
Carang De Javasche Bank ring Bandung, kawangun daweg warsa 1918; mangkin dados museum
.jpg)
Bank Indonésia kawangun duk tanggal 1 Juli 1953 saking nasionalisasi De Javasche Bank, tigang warsa sesampun Indonésia ngangkenin kamahardikan saking Belanda. [3]
Sampun 15 warsa salanturné, Bank Indonésia ngamargiang parikrama komérsial taler malaksana dados bank nasional bangsa lan madué sesana ngamedalang mata jinah rupiah Indonésia. Indiké puniki puput antuk Undang-undang No.13 warsa 1968 indik Bank Séntral, nguwah Bank Indonésia dados bank séntral.
Undang-undang punika salanturnyane kagentosin antuk Undang-undang No.23 warsa 1999, ngicenin bank kamahardikan saking kontrol pameréntah. Sasampuné punika, bank punika nglaporang ring parlemén (DPR) gumanti Présidén, lan gubernur bank punika nénten malih dados anggota kabinét.
- ↑ Indonesia, Bank. "Fungsi Utama". www.bi.go.id (ring Indonesia). Kaaksés 2025-03-13.
- ↑ Teeuwen, Dirk. "Javasche Bank, the Old Dutch City Hospital of Batavia-Jakarta and the Mandiri Bank Museum by drs (MSc) Dirk (Dick) Teeuwen" (PDF). indonesia-dutchcolonialheritage.nl. Kaaksés 2025-03-14.
- ↑ Catetan ringkes sane mawiguna indik sejarah Bank Indonesia ring makudang-kudang masa ngawit warsa 1953 wenten ring situs web Bank Indonesia ring History of Bank Indonesia Institution"." Cingak taler Cribb, Robert; Kahin, Audrey (2004). Historical Dictionary of Indonesia. Historical dictionaries of Asia, Oceania, and the Middle East (édisi ka-2nd). Lanham, MD: Scarecrow Press. pp. 45–46. ISBN 978-0-8108-4935-8. Unknown parameter
|name-list-style=ignored (help)