Arkansas

Arkansas Stato di Usa Cipresi che Nacionala Refujeyo White River. Chefurbo Little Rock Maxim granda urbo Little Rock Surfaco 137 733 km² Habitanti Denseso di habitantaro 3 011 524 (2020) 21.8 hab./km² Guberniestro Sarah Huckabee Sanders (R) Fondita o kreita 15ma di junio 1836 Posto-kodexo abreviuro AR Horala zono UTC-6 (UTC-5 dum somero) TNP (yaro) US$ 133,18 miliardi (2019) Reto www.arkansas.gov

Arkansas esas Usana stato. Lu havas kom vicini Missouri norde, Tennessee e Mississippi este,Louisiana sude, Texas e Oklahoma weste. Segun la demografiala kontado di 2020, ol havis 3 011 524 habitanti. Lua tota surfaco esas 137 733 km².

Historio

La maxim anciena restaji pri homala habitado en Arkansas datizas de plua kam 10 mil yari aK. Tribui quapaw, caddo, osage, choctaw e chickasaw originis en la regiono, e le Cherokee qui rezidis ibe originis de Tennessee, de ube ekpulsesis dum la komenco dil 19ma yarcento.

Hispani, komandita da Hernando de Soto, esis l'unesma Europani qui arivis ibe, en 1541. Dum la 17ma yarcento, Franci komencis explorar la regioni apud fluvio Mississippi e rivero Arkansas. Jezuita misionero Jacques Marquette e Louis Jolliet, komercisto di peli, detalizis la geografio di la regiono ed informis pri l'amikeso o enemikeso di lokala tribui. En 1680, La Salle exploris fluvio Mississippi til gulfo di Mexikia. Ca expediciono kulminis kun la reklamaco di Louisiana dal Franci, inkluzite la zono di la nuna Arkansas.

Arkansas divenis Usana stato ye la 15ma di junio 1836.

Geografio

Kaskado che statala parko Petit Jean.

Precipua artiklo: Listo pri municipi en Arkansas

Segun geomorfologiala vidopunto, Arkansas povas subdividesar en quar zoni: l'alta tereni del westo, kovranta la regiono di rivero Ouachita; la basa tereni apud fluvio Mississippi til la gulfo di Mexikia; nordweste de ta zono jacas montaro Crowley, konsistanta ek sedimenti kun mezavalore 150 metri di altitudo; e litorala planajo, qua koncentras granda parto di la richeso agrokultivala ed edukado di bestii dil stato.

La precipua fluvio di la stato esas Mississipi, qua formacas naturala frontiero kun stati Tennessee e Mississippi. Altra importanfa aquoflui esas riveri Arkansas, Ouachita, Red, Saint Francis, e White. Mississippi havas diversa lagi, grandaparte artificala, konstruktita norde de la stato pos la yari 1940a.