Dadaismu

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Su dadaismu o dadá est istadu unu movimentu culturale e artìsticu criadu cun sa punna de si contrapònnere a sas artes, chi fiat fundadu in su 1916 in su Cabaret Voltaire de Zürich. Fiat propostu dae Hugo Ball, iscritore de is primos testos dadaístas; a pustis, si fiat unidu su romenu Tristan Tzara, chi diat arribbare a èssere s'emblema de su dadaismu. Una caraterìstica fundamentale de su dadaismu fiat s'oponidura a su cuntzetu de resone instaurada dae su positivismu. Su dadaismu fiat caraterizadu pro su fatu de si rebellare contra de is cunventziones literàrias, e susetotus artìsticas, pro istorchere sos artistas burghesos e s'arte issoro.

S'atitivdade sua estendet a una variedade manna de manifestatziones artìsticas, dae sa poesia a s'iscultura, colende pro sa pintura o sa mùsica.

Sa poesia fiat illògica e de difìtzile cumprensione, sende chi si basaiat subra una sutzessione de paràulas o sonos fatu·fatu sena de sentidu. Assumiat una posa de brullana e umorìsticu contra de sa sotziedade burghesa. E in sa pintura sighiat sa matessi punna, fiant collages fatos cun ogetos de iscartu e de s'arga.

Su dadaismu aiat criadu una genia de antiarte moderna, chi atuaiat in provocatzione aberta contra de s'òrdine istabilidu.