របាំព្រះរាជទ្រព្យ
របាំព្រះរាជទ្រព្យគឺជាទម្រង់របាំរបស់ខ្មែរ ដែលដើមឡើយគេសម្ដែងសម្រាប់តែព្រះរាជ វង្សប៉ុណ្ណោះ។ នៅពាក់កណ្ដាលសតវត្សទី២០ របាំនេះត្រូវបានសម្ដែងជូនសាធារណជនទស្សនា ហើយរបាំនេះបានបន្តសម្ដែងក្នុងព្រះរាជពិធីនិងព្រឹត្តិការណ៍សំខាន់ផ្សេងៗ ដូចជា៖ ពិធីគ្រងរាជ្យ ពិធីរៀបអាពាហ៍ពិពាហ៍ ឬឱកាសឈប់សម្រាក តាមប្រពៃណីខ្មែរ។ របាំព្រះរាជទ្រព្យបង្កប់នូវតម្លៃវប្បធម៌ដែលមានលក្ខណៈល្អឥតខ្ចោះ ភាពថ្លៃថ្នូរនិងព្រលឹងជាតិ មិនត្រឹមតែប៉ុណ្ណោះទៀតសោតរបាំនេះក៏ផ្ដល់នូវតម្លៃបែបប្រពៃណីសុទ្ធសាធ ជានិមិត្តរូបនៃការគោរពនិងព្រលឹងជាតិ ។
ដោយសារភាពល្បីល្បាញខាងការប្រើប្រាស់ដៃនិងជើង ដើម្បីសម្ដែងអារម្មណ៍និងតម្លៃ វប្បធម៌ ខាងផ្នែកការនិយាយពោល និងសម្ដែងទឹកមុខ អង្គការយូណេស្កូបានប្រកាស់របាំព្រះរាជទ្រព្យរបស់ខ្មែរជាស្នាដៃឯកផ្នែកបេតិកភណ្ឌបញ្ចេញសំឡេង និងអរូបីនៅក្នុង ឆ្នាំ២០០៣ ហើយបានចុះក្នុងបញ្ជីតំណាងឲ្យបេតិកភណ្ឌវប្បធម៌អរូបីខាងផ្នែកមនុស្សជាតិក្នុងឆ្នាំ២០០៨។ ការទទួលស្គាល់ និងការចុះបញ្ជីនេះអាចផ្ដល់លទ្ធភាពឲ្យព្រះរាជាណាចក្រកម្ពុជាការពារបេតិកភណ្ឌវប្បធម៌អរូបីដ៏មានតម្លៃនេះទប់ទល់នឹងការគម្រាមកំហែងពីការខូតខាត ការវិនាសសាបសូន្យ និងបំផ្លិចបំផ្លាញ។ ការសម្ដែងរបាំនេះមានរួមបញ្ជូលក្រុមអ្នកសម្ដែងដែលមានពណ៌ ម៉ូតសំលៀកបំពាក់ ការតុបតែងនិងរបាំងមុខខុសៗគ្នា។ ការធ្វើកាយវិការនិងឥរិយាបទ បង្ហាញនូវអារម្មណ៍របស់មនុស្ស ពីការភ័យខ្លាច ការខឹងសម្បារហូតដល់ការស្រលាញ់និងភាពរីករាយ។ វង់តន្រ្តីអមនឹងការរេរាំ និងសំឡេងស្រ្តីបន្ទរបរិយាយដូចជាអត្ថន័យនៃឈុតរឿង និងបង្ហាញនូវអារម្មណ៍ដែលតួសម្ដែងត្រាប់តាម។
